ۇرىمجىدەگى كونسۋلدىق “جىگىتىمنەن ايىرىلىپ قالاتىن بولدىم” دەگەن قىزعا ۆيزا بەرەتىن بولدى

 قازاقى ءازىلى دە ارالاس بۇل جازبانى  اقىن اۋىت مۇقيبەك ۇلى ءوزىنىڭ الەۋمەتتىك جەلى پاراقشاسىندا جازدى
“ماعان مامانداندىرىلعان اۋدانارالىق اكىمشىلىك سوتتىڭ قاۋلىسىمەن ق ر اكىمشىلىك قۇقىق بۇزۋشىلىق تۋرالى كودەكسىنىڭ 517-بابى 4-بولىمىنە سايكەس، (بەلگىلەنگەن مەرزىمدە ەلدەن شىعۋدان جالتارۋ) اكىمشىلىك جاۋاپكەرشىلىككە تارتىلىپ، سوت شەشىمىمەن ەلدەن تىسقارى شىعارىلعان قانداستارىمىز كۇنىنە ونداپ حابارلاسادى. ونىڭ ىشىندە جوعارى وقۋ ورىندارىندا وقىپ جاتقان ستۋدەنتتەر دە بار.
جازيرا اتتى بۇل قارىنداسىمىز دا سونداي جانداردىڭ ءبىرى. ۆيزاسىنىڭ مەرزىمى ءوتىپ كەتكەنى ءۇشىن جاۋاپقا تارتىلىپ، كۇيەۋگە شىعايىن دەپ تۇرعان جەرىنەن قىتايعا قايتارىلعان. جىگىتى كوزى جاۋدىراپ، الماتىدا قالعان.
بۇگىن سول سۇلۋ قىز ۇرىمجىدەگى ءبىزدىڭ كونسۋلدىققا بارىپ، “اعا، مەيىرگۇلدىڭ اتا- اناسىنا دا ۆيزا بەردىڭىزدەر عوي، بەس جىل جۇرسەم جىگىتىمنەن ايىرىلىپ قالام عوي، راحىم ەتىڭىزشى، جالىنام سىزگە!” – دەپ، كوز جاسىن كول ەتىپتى.
دەگەنمەن، جۇرەگى نازىك قازاقپىز عوي، كونسۋلدىق قىزمەتكەرى جازيراعا كەستە تولتىرتىپ، پاسپورتىن قابىلداپتى. 5 قاڭتاردا ۆيزاڭدى الاسىڭ دەپ، تۇبىرتەك بەرىپتى.. .

15492550_1216121151829288_2551353444944319274_n
سول قارىنداسىم، قۋانعاننان تاعى جىلاپ، جاقسى جاڭالىعىمەن ءبولىسىپ جاتىر.. .
“امان- ەسەن ەلىڭە، سۇيگەنىڭە جەتە عوي، جازيراش!” دەپ جاتىرمىز ءبىز دە قۋانىپ!

15 پىكىر