Тұқымбағы Арал теңізін балықтандыру, балық қорын сақтау және тұқымын көбейту мақсатында жұмыс жасап келеді. Қазіргі таңда балықтың сазан, ақ амур және дөңмаңдай түрлері өсіріліп жатыр.
Аудан әкімі Мұхтар Оразбаев меймандарға балық шаруашылығын дамыту бағытындағы жүргізіліп жатқан жұмыстары жайында айтты.
Халық қалаулылары «Бөген сервистік дайындау орталығы» мен «АР-Н-КОМ», «Қуаныш» балық қабылдау, өңдеу және қатыру цехтарында болып, балықты аршу, өңдеу және арнайы су тоғандарындағы жұмыстарды көрді.
Жұмыс сапары барысында олар «САРАТС» жобасының бірінші кезеңінде сәтті жүзеге асқан «Ақ лақ» су тоспасы мен «Көкарал» бөгетінде болды.
