Бұл туралы Семей қалалық Мәдениет және тілдерді дамыту бөлімінің басшысы Назерке Аққожина хабарлады. Оның айтуынша, ғимаратқа ақынның есімін беру жөніндегі республикалық ономастикалық комиссияның шешімі шығыпты. «Осы шешімге сәйкес 26 сәуір күні Семей халықаралық әуежайына Абай есімі берілді. Тиісті құжаттар келді. Сонымен қатар комиссия шешімімен қаладағы № 47 орта мектепке Ахмет Байтұрсынов, №37 орта мектепке Ыбырай Алтынсарин, №39 мектепке Әлихан Бөкейханов, №34 мектепке Бауыржан Момышұлы және № 2 мектепке Қаныш Сәтпаев есімдері берілді» дейді Н.Аққожина.
СЕМЕЙ
