Бұл жұмыстарға республикалық бюджеттен 2 млрд. теңгеге жуық қаржы бөлінген. Сонымен бірге күрделі жөндеу жұмыстары басталған ғимараттар қатарында облыс орталығындағы қазақ және орыс театрлары, Естай атындағы мәдениет сарайы бар.
Ал "Жұмыспен қамтудың жол картасы" бағдарламасы аясында жүзеге асырылып отырған бұл жұмыстар барысында 700-дей адам жұмысқа алынған. Құрылыс барысы қоғамдық белсенділер тарапынан қатаң бақылануда.
Мысалы бір қарағанда ғимараты театрға ұқсамайтын Жүсіпбек Аймауытов атындағы қазақ музыка-драма театрының төбесі тесіліп, жаңбырлы күндері шатырдан су ағатын болған. Қазір күрделі жөндеу кезінде ғимараттың қасбеті, жылу жүйелері, шатыры жөнделуде.
Сонымен қатар жылу, су жүйелері құбырлары да істен шыққан. Осының салдарынан күздің қатты суығы мен қыстың қытымыр аязында ғимаратты жылыту қиын.
Ал жөндеу жұмыстары басталып кеткен Естай атындағы мәдениет сарайындағы жұмыс та үш бағыт бойынша жүргізілуде
Павлодар облысы
