Цифрландыру жұмыстары 4 кезеңді қамтиды. Атап айтқанда, қатты пайдалы қазбаларды барлауға лицензия беру, қатты пайдалы қазбаларды өндіруге лицензия беру, жер қойнауын пайдаланушы режіміне өту шеңберінде лицензия беру және жер қойнауын пайдалану туралы шарттарға түзетулер енгізу бойынша қосымша Келісімді бекіту сынды құжаттық ресімдер қарастырылған.
Кейін аталған мемлекеттік қызметтерді қанатқақты жоба аясында электронды форматта жүзеге асыру жүргізіледі.
Жер қойнауын пайдалану саласын цифрландыру еліміздің инвестициялық тартымдылығын арттырып, бұл тарапта қажетті құжаттар санын айтарлықтай азайтуға септігін тигізеді. Сонымен қатар бұл процесс түрлі әкімшілік кедергіге тосқауыл қойып, лицензия беру кезіндегі ашықтықты қамтамасыз етеді.
