Жыл басынан бері тек өзгерістерге ғана емес, сондай-ақ президенттік және партиялық сайлау платформаларында оларды жүйелі түрде рәсімдеуге деген қажеттілік айқындалды. Ол үшін жаңа президенттік және парламенттік сайлау жарияланды.
Ел ішіндегі саяси алаңда Қазақстанның айқын өзін-өзі анықтауы, болашақ Президенттің халық бірлігінің кепілі ретіндегі іс-қимылының айқын бағдарламасы реформаларды одан әрі дәйекті және тұрақты іске асыру үшін халықтың сұранысын қанағаттандыруға тиіс.
Конституциялық сайлау талаптарына сай келетін үміткерлердің ел дамуына қатысты өз көзқарасын ұсынуға мүмкіндік туып отыр. Қоғамдық бірлестіктер жағдайдың өзіндік мониторингіне, деректерді талдауға сүйене отырып, халықтың мүдделерін артикуляциялау үшін өз көшбасшыларын ұсына алады. Бұл электоралдық белсенділікті көрсетудің жақсы мүмкіндігі.
Жыл басынан бері кейбір сарапшылар болжап отырған президенттік сайлау Қазақстанды жаңа тарих кезеңіне түпкілікті шығарып, әділ мемлекет қалыптастыруға бағытталған.
Биылғы жолдауларда және референдумда қабылданған қадамдарда қазіргі биліктің негізгі бағыттары белгіленген. Олар сайлауда жеңіске жеткен жағдайда билік дәл сол қадамдарды ұстануға ниетті. Бұл – өткен тәжірибе мен болашақтың сын-қатерлерін ескере отырып, Қазақстанның саяси және әлеуметтік-экономикалық дамуына бағытталған қадам.
Инфографиканы жасаған Амангелді Қияс, «ЕQ»
Татьяна ЛИПИНА,
Президент жанындағы ҚСЗИ аға ғылыми қызметкері