19 сәуірде қалалық полиция басқармасына қала тұрғыны кенеттен қайтыс болғаны туралы хабарлама түскен.
Полиция қызметкерлері оқиға орнына барған кезде 45 жастағы ер адамның мәйітін тапқан. Оның денесінде зорлық-зомбылық белгілері болған.
Тергеу барысында ер адамға ауыр дене жарақатын салды деген күдікпен марқұммен бірге тұрған әйел ұсталған.
Қайғылы оқиға болған күні азаматтық некедегі ерлі-зайыпты пәтерде өздері болғаны және олардың арасында жанжал туындағаны анықталған. Жанжал кезінде күдікті ер адамның кеудесіне пышақ сұққан, сот-медициналық сарапшының қорытындысы бойынша жәбірленуші соның салдарынан қайтыс болған.
Аталған дерек бойынша ҚР Қылмыстық кодексінің 106-бабы 3-бөлігі бойынша тергеу амалдары басталды.
