Осылайша, Қазақстан мен Сингапурдың авиациялық билік органдары бейнеконференц байланыс бойынша келіссөздер жүргізді. Біздің делегацияны Қазақстан Республикасының Индустрия және инфрақұрылымдық даму министрлігі Азаматтық авиация комитетінің төрағасы Талғат Ластаев, Сингапур делегациясын Азаматтық авиация басқармасының бас директоры Хан Кок Хуан басқарды.
Келіссөздер барысында отандық тарап тікелей рейстер ашуға қызығушылық білдірді. Сингапурлық авиакомпанияларға Қазақстандағы «ашық аспан» режімін, оның ішінде ауа бостандығының «бесінші дәрежесі» құқығын пайдалану ұсынылды. Сингапурлық тарап «ашық аспан» режімін құптап, бұл ұсыныс сингапурлық авиакомпаниялармен пысықталатынын хабарлады.
Тараптар 2023 жылғы шілдеде сингапурлық авиакомпаниялар мен «Сингапур – Чанги» әуежайының қатысуымен өтетін кездесу шеңберінде әуе қатынасын ашу мәселелерін талқылауды жалғастыратынына келісті.
Сонымен қатар Сингапур тарапы Сингапурдың азаматтық авиация академиясында оқу мүмкіндігінің бар екені туралы хабардар етті.
Сондай-ақ біздің елдің тарабы «Эйр Астана» әуекомпаниясының екі ел арасындағы ұшуларды орындауды бастау жөніндегі жоспарын атап өтті.
