Фото: Instagram/drs_kz
Ханчжоуда өтетін 2023 жылғы Азия ойындарының ашылу салтанатында Қазақстан туын бокстан әлем чемпионы Асланбек Шымбергенов пен жеңіл атлетикадан ұлттық құрама үздігі Надежда Дубовицкая ұстап шығады.
Асланбек Шымбергенов - бокстан әлем және Азия чемпионы, Джакартадағы жазғы Азия ойындарының күміс жүлдегері. Ал Надежда Дубовицкая - жабық кешендегі әлем чемпионатының қола жүлдегері, Азия чемпионатының жеңімпазы, құрлық рекордының иесі.
Айта кетсек, жазғы Азия ойындарының басталуына 37 күн қалды.
Спортшылар барлығы 474 медаль жиынтығын сарапқа салады. Жарыстар 61 спорт түрі бойынша өтеді, оның 45-і олимпиадалық, 16-сы олимпиадалық емес спорт түрлері.
