Биыл жыл басында біржылдық келісімшартпен «Астана» жейдесін киген велоспорт тарихындағы ең үздік спринтердің бірі Марк Кавендиш мамыр айындағы «Джиро д’Италия» Гранд-турынан кейін жыл соңында карьерасын аяқтайтынын мәлімдеген еді. Бірақ күні кеше «Astana Qazaqstan Team» велокомандасының бас менеджері Александр Винокуров Марк Кавендиш келісімге келгенін мәлімдеді. Сөйтіп, британиялық велошабандоз 2024 жылдың соңына дейін «Астана» сапында өнер көрсетеді.
Биыл Марк Кавендиш елордалық команданың құрамында бірнеше додаға қатысып, үш бірдей жарыстың жүлдегері атанған-ды.
