Көрме кеңістігіне атақты майталмандардың, Қырғызстан суретшілері жаңа буын тәлімгерлерінің, Мәскеу мен Санкт-Петербург ірі көркемсурет институттарының түлектері: Қадырқұл Оразматов, Сүйітбек Торобеков және Сапар Осмоналиевтің туындылары топтастырылған. Қатысушылар қатарында белгілі қырғыз суретшілері Жолдошбек Қазақбаев, Шекербек Анарбеков, Чингис Ормонбеков, Эркин Ақназаров, Жаныбек Сүйінбеков, Алмазбек Шаршекеев, Әбдісадыр Трусбеков бар. Көркем картиналар арасындағы экспозиция монументалист Бообек Арыковтың қоладан жасалған бірнеше туындысына да өз қатарынан орын берді. Топтың әрбір қатысушысы Қырғызстан мен шетелде жеке және халықаралық көрмелерде үлкен тәжірибеге ие.
Қырғыз халқының біртуар перзенттерінің ой-пікірлері, адам тағдыры, ұрпақтар сабақтастығы, туған жерге деген сүйіспеншілік пен табиғаттың адаммен үндестігі туралы толғаулары топ мүшелерінің шығармаларында өзінің көркемдік өрнектерін тапты. Шыңғыс Айтматов: «Туған жер – ата-бабамыздан қалған жеріміз ғана емес, ұрпақтарымызға қалдыратын жеріміз», деп жазды. Түркі әлемінің ұлы тұлғасының бұл сөзі туған өлкенің рухымен тамырлас жатқан кескіндемелер мен мүсіндерге де мағына беріп, ұлттық айбынын арттыра түседі.
Ұсынылған авторлардың шығармашылығы – бүгінгі қырғыз өнерінің көрінісі, онда дәстүрлі ұлттық сарын көркем білім берудің академиялық базасына сүйенетін жаңа ізденістермен ұштасады. Қырғыз авторларының қолтаңбасы сан алуан, дара, тарихи мифология шынайылығымен күнделікті өмір мен дерексіздік екпінін жеткізіп, жүзжылдықтар көшінің жұмбағын алға тартады.
АЛМАТЫ
