Осыған дейін қос боксшының арасындағы жекпе-жек 17 маусым күні EXPO-2017 көрмесінің аясында Астанада өтетіні хабарланған. Геннадийдің абсолютті чемпион болуы үшін тек WBO белбеуі ғана жетпейді. Ол Билли Джо Сондерске тиесілі. Жақында екі тарап жекпе-жек жөнінде келіссөздер өткізеді.
«Орта дивизиондағы барлық белбеулерге ие болуды армандаймын. Осы мақсатыма жету үшін бір қадам ғана қалды. Сондерспен айқасым Қазақстанда өтеді деп үміттенемін», - деп жазады The Sun басылымы.
Айта кетейік, кеше GGG Нью-Йоркте америкалық Дэниел Джейкобспен күш сынасып, төрешілердің шешімімен жеңіске жетті. Жекпе-жектен кейін ол кіммен болса да жұдырықтасуға дайын екенін айтты. Ал WBO чемпионы Геннадийдің кездесуін көрмегенін, бірақ онымен қолғап түйістіруге дайын екенін мәлімдеді.