Ақмола облысының Атбасар қаласында 206 тұрғын үйді су басты, деп хабарлайды ТЖД.
Кеше кешкі сағат 20:00 шамасында Жабай өзенін бойлай салынған су бөгетін үш жерден ағын су бұзып кеткен. Осының салдарынан қауіпті аумақта орналасқан 206 тұрғын үйді су басып, 451 жуық адам қауіпсіз жерге көшірілді. Сонымен қатар 1-ші орта мектепті де субасқан. Жапа шеккен адамдар жоқ. Қазіргі кезде құтқару жұмыстары жалғасуда.