АСТАНА. 18 ақпан. Бүгін футболдан Қазақстан мен Молдова құрама командалары жолдастық кездесу өткізеді. Бұл туралы vesti.kz хабарлады.
Кездесу түріктің Анталья қаласындағы «Мардан» стадионында ойналады. Матч Астана уақытымен 22:00 сағатта басталады. Аталмыш ойын «Хабар» телеарнасы арқылы тікелей эфирден көрсетіледі.
Еске сала кетейік, 2013 жылғы ақпан айында да бұл екі құрама бір-біірмен кездескен. Сол жолғы жолдастық кездесуде Қазақстан құрамасы Молдованы 3:1 етіп ұтып еді. Қазақстандықтар сапынан Бауыржан Жолшиев екі гол салса, Виктор Дмитриенко бір голды еншісіне жазған. Молдовандар жағынан Анатолий дорош көзге түсті.
Бірақ бұл жолы мамандардың біразы басымдық біздің қарсыластарымызда болатынын айтып отыр. Букмекерлік кеңселерде де соларға қарай бәс тігушілер көптеу көрінеді.
Дамир Қожамқұл.