Әлемдегі ең жылдам әрі ең көп сатылған көркем кітап рекорды «Хәрри Поттер мен ажал сыйлары» романына тиесілі. 2007 жылдың 21 шілдесінде шыға салысымен бұл кітаптың 8,3 млн данасы сатылып кеткен.
Аталған кітап – «Хәрри Поттер» сериясының 7-томы, яғни ең соңғы бөлігі. Демек, оқиғаның қалай аяқталары осы кітапта жазылды. Сол себепті оқырман бұл сәтті асыға күтті. Кітап шыға салысымен дүкенге жұрт жапа-тармағай жиналды. Ұзын-сонар кезектің шегі жоқтай көрінді. Осылайша, бір кітаптың сатылымы жай сауда емес, тұтас бір мәдени оқиғаға айналды.