педагогтар Ұлттық біліктілік тестілеуді онлайн тапсырады

Білім • 28 Мамыр, 2020

Педагогтар Ұлттық біліктілік тестілеуді онлайн тапсырады

7156 рет көрсетілді

Бұл туралы Ұлттық біріңғай тестілеу орталығының директоры Дидар Смағұлов хабарлады. Қазіргі таңда тестілеуге онлайн тәртібінде өтініш қабылданып жатыр. Бұл өзгеріс педагогтарға тестілеуді басшылығынан арнайы рұқсат немесе жолдама алмай-ақ өз еркімен өтініш беруге жағдай жасайды. Бұған дейін ұстаздар мектеп әкімшіліктерін қызметкерлерді алалап рұқсат беретінін айтып, шағымданған еді.

Айдана ШОТБАЙҚЫЗЫ

Педагогтардың Ұлттық біліктілік тестілеуге өтініштер қабылдау 21 мамырдан басталды. Енді білім беру саласының қызметкерлері бірде-бір құжатты жинамай, ойға алғанын ешкіммен келіспей, өтінішті онлайн түрде бере алады. Сондай-ақ ұстаздар өздеріне ыңғайлы орынды, күнді және тестілеу уақытын таңдай алады.

Енді аттестациядан жиналған балға қарай өтуге болады (егер шеберге балл жинай алмасаңыз, демек зерттеуші болуға әбден мүмкіндік бар). Егер нәтиже қанағаттандырылмаса, тестті қайта тапсыра алады.

«Өкінішке қарай, карантинге байланысты біз аудиториядағы адамдар санын азайтуға мәжбүр болдық, сондықтан бастапқы кезде бәріне орындар жете бермейді, бірақ тест 3 ай бойы өткізіледі және аймақтағы шектеулер шешілгеннен кейін аудиториядағы орындар санын көбейтеміз. Тест тапсыруға барлығы үлгереді. Аталмыш емтихан 2019 жылғы қазан айында БҒМ мен Ustudy компаниясы арасында жасалған мемлекеттік-жеке серіктестік шарты негізінде өткізілетінін және тестілеуді бұдан да әділ ете отыра, 135 млн. теңгеге жуық қаражатты бюджетке қайтаруға мүмкіндік беретінін атап өткім келеді», деді Д.Смағұлов.

Күннің маңызды және өзекті жаңалықтарын «Егемен Қазақстан» телеграм каналынан оқыңыз