Сәкен Бибосынов финалда тағы бір отандасымыз Кенже Мұратұлымен жұдырықтасты. Нәтижесінде Бибосынов төрешілердің бірауыздан қабылдаған шешімімен жеңіске жетті. Есеп - 5:0.
Сәкен Бибосынов - 2020 жылғы Олимпиада ойындарының қола жүлдегері. Ал 2021 жылы әлем чемпионы атанды.
Айта кетейік, бүгін халықаралық турнирде финалдық жекпе-жектер өтіп жатыр.
Байрақты бәсекеде 10 елден 200-ден астам спортшы медальдар үшін таласып жатыр. Олардың арасында Қазақстан, Өзбекстан, Қытай, Үндістан, Моңғолия және өзге де мемлекеттердің былғары қолғап шеберлері бар.
