Нұрқожа Қайпанов еркін күрестен әлем чемпионы атанды
<p style="text-align: justify;">Албания астанасы Тиранада олимпиадалық емес салмақтарда өтіп жатқан әлем чемпионатында Нұрқожа Қайпанов алтын жүлде еншіледі, деп жазады <a href="/" target="_blank" rel="noopener noreferrer">Egemen.kz</a>.</p>
Нұрқожа Қайпанов 70 келіде біріншіліктің финалдық бәсекесінде жапон балуанынан басым түсті.
Отандасымыз финалға дейінгі белдесулерінде, 1/16 финалда Митчелл Луис Файнсильверді 9:0 есебімен жеңсе, 1/8 сынында Николай Грахмезді 14:2 ұпайымен тізе бүктірді.
1/4 финалда Акаки Кемертелидзені 12:2 есебімен қапы қалдырса, финал жолдамасы берілетін жартылай сында Абділмажид Кудиевтен 13:2 нәтижесімен айласын асыра алды.
26 жастағы жерлесіміз 2019 жылы Астанада өткен әлем чемпионатының финалында бақ сынап, күміс жүлдеге қол жеткізді.
Осылайша, жерлестеріміз үшін әлем чемпионаты мәресіне жетті. Жарыс қорытындысы бойынша 3 бірдей балуанымыз әлем біріншілігінің финалында белдесіп, 2 алтын, 1 күміс еншіледі.