Әлем • Бүгін, 10:00

Оңтүстік Корея президенті тұтқындалды

34 рет

көрсетілді

1 мин

оқу үшін

15 қаңтар таңертең Оңтүстік Корея президенті Юн Сок Ёл тұтқынға алынды. Ол Оңтүстік Корея тарихында президент лауазымында жұмыс істеп жатқан, бірақ қызметінен уақытша шеттетілген уақытта тұтқындалған алғашқы мемлекет басшысы болып отыр, деп жазады Egemen.kz.

Дана МЫРЗАҚАДІР

Фото: South Korea Presidential Office

Соттың оны тұтқындау туралы ордерін орындауға 200-ге жуық полиция қызметкері мен 40 тергеуші қатысқан. Олар резиденцияда президент күзетшілерінің қарсылығына тап болған. 2,5 сағаттық келіспеушіліктен кейін ғана полицейлер Юн Сок Ёлді тұтқындау операциясын орындай алды.

Юн Сок Ёл 2024 жылдың 3 желтоқсанында елде әскери жағдай енгізген әрекетіне байланысты сынға ұшырап отыр.

Ал Yonhap агенттігі президент Юн Сок Ёл көтеріліске жетекшілік етті деген айыппен қамауға алынғанын хабарлаған.