Фото: Ашық дереккөз
Қазақстан Ұлттық ядролық орталығының Геофизикалық зерттеулер институты деректер орталығының жедел мәліметіне сәйкес, жер сілкінісі Астана уақытымен сағат 02:16-да орын алған. Сейсмикалық оқиға Қытай аумағында тіркелді.
Жер сілкінісінің сипаттамасы:
- Магнитудасы: 5,0.
- Алматыдағы сезілу деңгейі: 2 балл.
- Эпицентрі: Қытай аумағы, Как-Шаал-Тоо жотасы.
Сейсмологтардың мәліметінше, жер сілкінісінің ошағы Бедель ауылынан оңтүстік-шығысқа қарай 33 шақырым жерде орналасқан. Эпицентр аймағында жерасты дүмпулерінің қарқындылығы 3,5 балды құрады.
Естеріңізге сала кетейік, 4 желтоқсанда Алматыда жер сілкінді.
