Қарағандылық құтқарушы гір тасын көтеруден рекордын жаңартты
<p>Қарағанды облысының құтқарушысы Қостанай қаласында Қазақстан Республикасының гір тасын көтеру бойынша ел чемпионатында рекордын жаңартты, деп хабарлайды <a href="/" target="_blank" rel="noopener noreferrer">Egemen.kz</a>.</p>
Нақтырақ айтсақ, Қарағанды облысы Төтенше жағдайлар департаментінің қызметкері Александр Комаров 85 келіге дейінгі салмақ дәрежесінде 78 рет гір тасын көтеріп, чемпионаттың үздік нәтижесін көрсетіп, бірінші орынды иеленді.
– Қарағанды облысының құрама командасы сапында эстафетаға қатыса отырып, тағы бір жоғары нәтиже тіркедім – үш минут ішінде салмағы 32 келі болатын екі гірді 43 рет көтеріп, Қазақстанның жаңа рекордын орнаттым, – дейді жерлесіміз.
Александр Комаров – гір спортынан халықаралық дәрежедегі спорт шебері, студенттер арасындағы әлем чемпионы, кәсіпқойлар арасындағы әлем чемпионаттарының бірнеше дүркін жүлдегері, Еуропа чемпионы және Қазақстан Республикасының бірнеше дүркін чемпионы. Сондай-ақ ол 2024 жылы Грекияда өткен гір спорты бойынша әлем чемпионатында алтын медаль жеңіп алған.
Қарағандыдағы тау-кен кәсіпорнына 4 млн теңге айыппұл салынды
Қарағанды облысы