Өскемендегі жарылыс: Зауытта үйінділерді аршу жұмыстары жүргізіліп жатыр
<p><strong>Бүгін Өскемен қаласында орналасқан «<span class="hover:entity-accent entity-underline inline cursor-pointer align-baseline"><span class="whitespace-normal">Қазцинк»</span></span> зауытында шаң сүзу цехындағы арнайы құрылғыда газ-ауа қоспасында жарылыс болған. Құтқарушылар келгенде қызыл жалын байқалған, деп жазады <a href="/" target="_blank" rel="noopener noreferrer">Egemen.kz</a>.</strong></p>
ТЖМ мамандары 120 шаршы метр алаңға таралған өртті толық сөндірген. Сондай-ақ цех құрылымдарының 220 шаршы метр аумағы опырылып түскені белгілі болды.
Министрлік оқиға салдарынан 7 адам зардап шеккенін, оның ішінде 2 адам қаза тауып, 5 адам ауруханаға жатқызылғанын мәлімдеді.
«Оқиға орнында жедел штаб құрылды. Апат салдарын жоюға шамамен 80 адам жеке құрам, 18 техника бірлігі, командалық-штабтық машина, ТЖМ ұшқышсыз ұшу аппараты, кинологиялық есептоптар және Апаттар медицинасы орталығының бригадасының дәрігерлері жұмылдырылды», делінген ТЖМ таратқан хабарламада.
Қазір зауытта үйінділерді аршу жұмыстары жүргізіліп жатыр. Төтенше жағдайға байланысты ТЖД-да жедел желі телефоны іске қосылған: 8 (7232) 55-38-19.
Айта кетейік, Үкімет отырысында Премьер-министр Олжас Бектенов жағдайды жеке бақылауына алғанын айтты.