ЖОЛДАУ
ЖОЛДАУ бөліміндегі ең маңызды оқиғалар, сараптамалар мен соңғы жаңалықтардың толық тізімі.
Технологиялық әлеует артып келеді
<p style="text-align: left;">Президенттің халыққа Жолдауында елімізде өндірісті рістетуге басымдық беріліп келе жатқаны туралы үнемі айтылады. Инвестициялық жобалар, өндірістегі технологиялық жаңғырту – еліміздің даму стратегия­сы­ның өзегі. Осы тұрғыдан Абай еліндегі «Казполиграф» компаниясының қосқан үлесі көп. Жақында осы ірі экспорттаушы кәсіпорын жаңа өндірістік желісі – «Gable Top» картон қаптамалар цехын іске қосты.</p>
ӘКК кәсіпкерлерге қорған бола алмай тұр...
<p style="text-align: left;">Облыстар мен республикалық маңызы бар қалалардан 2006 жылы құрылған әлеуметтік-кәсіпкерлік корпорацияларының (ӘКК) алдына шағын кәсiпкерлiктi дамыту, әлеуметтiк жобаларды iске асыру, iшкi нарықты бәсекеге қабiлеттi өнiмдермен қамтамасыз ету арқылы өңiрлердiң әлеуметтiк жай-күйiн жақсарту міндеті қойылған еді. Алайда арада өткен жиырма жылға жуық уақыт ішінде ӘКК-лердің тұрақтандыру қорларының көмегімен әлеуметтік маңызы бар азық-түлік тауарларының бағасын шектен тыс қымбаттатпай ұстап тұруға және шағын кәсіпкерлікті қолдауға бағытталған жұмысы мардымды нәтиже берген жоқ. Оған аспанға шарықтап кеткен азық-түлік бағасы айғақ.</p>
Медициналық сақтандыру – қоғам ниетінің көрінісі
<p style="text-align: left;">Мемлекет басшысы биылғы Жолдауында Үкіметке жасанды интеллект технологиясын қолданып, медициналық қызметтердің сапасы мен көлеміне мониторинг жүргізетін жаңа жүйе қалыптастыруды тапсырды.</p>
Ербол Мырзабосынов: Саламатты өмір салтын қалыптастыруға баса көңіл бөлінеді
<p style="text-align: left;">Дені сау ұлт – мемлекеттің нық тірегі. Дамудың даңғыл жолындағы елдер халқының қажыр-қайратына әрдайым арқа сүйейді. Елге тұтқа болар ұрпақтың саламатты өмір салтын ұстануы қашанда маңызды. Бұқаралық спорттың кең қанат жайып, өркендеуі жолында елімізде де маңызды жобалар қолға алынды. Тіпті спорт туралы заң күшейтіліп, қайта қабылданды. Мемлекет басшысы Қасым-Жомарт Тоқаев биылғы Жолдауында да ұлт саулығын ұдайы назарда ұстап, бұқаралық спортты дамытудың маңыздылығын атап, бірқатар тапсырма жүктеді. Туризм және спорт министрі Ербол МЫРЗАБОСЫНОВПЕН сұхбатымызда Президент тапсырмасының орындалу барысын сұраған едік.</p>
Бірлескен жобалар ел ырысын еселейді
<p style="text-align: left;">Мемлекет басшысы Қасым-Жомарт Тоқаев халыққа арнаған Жолдауында бүгінде дүние жүзінде инвестицияға тартыс күшейіп бара жатқанын айта келе, жаңа инвестициялық кезеңді бастау қажеттігін атап көрсетті. Бұл орайда өңдеу саласына көбірек қаражат тарту міндет­телді. Сондай-ақ Президент инвес­тиция тартуға жергілікті билік те мүдделі болып, жұмыла жұмыс істеуді, әкімдердің өңірдегі инвес­­тициялық ахуалға тікелей жауап­кершілігін белгілеуді жүктеді.</p>
Шикізаттан дайын өнімге дейін
<p style="text-align: left;">Демографиялық өсімі жоғары, 2 миллионнан аса халқының 80 пайызы ауылдық жерде орналасқан Түркістан облысы – елімізде мақта өсіретін жалғыз өңір. Мақта – тоқыма өнеркәсібінің негізгі шикізаты ғана емес, мыңдаған отбасының тұрмысын түзеп, ауылдың әлеуетін көтеріп отырған берекелі өнім. Бүгінде өңір мақтаны тек шикізат күйінде емес, дайын өнімге айналдырып, тоқыма өнеркәсібін дамыту бағытында бірқатар жобаны қолға алған. Болашақта «Made in Turkestan» тігін жіптері мен маталарын танымал брендтерде сату көзделіп отыр.</p>
Су үнемдеу мәдениетін нығайту маңызды
<p style="text-align: left;">Тіршілік нәрі саналатын суды үнемдеу – өзекті мәселе. Кейде еларалық шиеленіс осыдан да туындап жатады. Ысырапқа жол бермей, үнеммен игілікке жарату мәдениеті қалыптасқан елде алаңдаушылық болмайды.</p>
Төл өнім төрге озса игі
<p style="text-align: left;">Мемлекет басшысы Жолдауында азық-түлік қауіпсіздігін стратегиялық маңызы бар міндет ретінде атап, Үкіметке импортқа тәуелділікті азайту жөнінде нақты тапсырма берді. Себебі ішкі нарықты отандық өніммен қамтамасыз ету – экономикалық дамумен қатар, елдің тұрақтылығына тікелей әсер ететін стратегиялық маңызы бар міндет.</p>
Мемлекеттің экономикадағы үлесі: Нарық талабы не дейді?
<p style="text-align: left;">Халықаралық валюта қоры миссиясы ел экономикасында артық жүктеме байқалуы мүмкін деп жобалап отыр. Қор дерегінше, 2025 жылы ІЖӨ мұнай өндірісі мен ішкі сұраныс есебінен 6%-дан жоғары өседі. Алайда инфляция 13%-дан асып кеткен. Бұған жұмсартылған бюджет саясаты, тұтынушылық несиелердің өсуі, Ұлттық қордан бөлінетін ірі трансферттер себеп болған.</p>
Жасанды интеллект – жаңаруға бастар жол
<p style="text-align: left;">Мемлекет басшысы Қасым-Жомарт Тоқаевтың Жолдауындағы үш жыл ішінде Қазақстанды жаппай цифрлық елге айналдыру жөніндегі ауқымды міндет барлығымызға үлкен жауапкершілік, болашаққа зор сенім сыйлады. Президенттің бұл прогрессивті идеяны әлемнің ең басты мінбері – БҰҰ-ның төрінен жариялауы еліміздің жаһандық үрдістен тыс қала алмайтынын көрсетті. Президент атап өткендей, жаппай цифрландыру және жасанды интеллектіні кеңінен қолдану еліміздің бүгінгі күнде ұлттық басымдығына айналып отыр.</p>