Жаңа дәуір жауапкершілігі

Көкшетауда «Нұр Отан» ХДП Ақмола облыстық филиалының ХІІ есеп беру-сайлау конференциясы болып өтті. Форум жұмысына жетекші партия Төрағасының бірінші орынбасары Нұрлан Нығматулин, Парламент депутаттары қатысты. Конференцияда Қазақстан Пре­зиденті Нұрсұлтан Назарбаевтың өкі­­леттігін 2020 жылдың 6 жел­тоқ­санына дейін ұзартуға қатыс­ты референдум өткізу бастамасын қолдау, «Нұр Отан» партиясының жаңа бағдарламасын талқылау мә­селелері қаралып, Ақмола об­лыстық филиа­лы­ның есепті ке­зең­дегі жұмысы қо­рытынды­лан­ды және алға қойыл­ған мақсаттар айқындалды. «Нұр Отан» ХДП Ақмола облыстық филиалының төраға­сы, облыс әкімі Сергей Дьяченко өз баяндамасында есепті кезең ел дамуы мен Қазақстан азаматтарының өміріндегі аса маңызды мемлекеттік және  қо­ғамдық-саяси оқиғаларға толы болғандығын атап көрсетті. – Біздің Отанымыз партия же­текшісі, Тұңғыш Президентіміз Нұрсұлтан Әбішұлы Назар­баевтың көрегендік саясаты нә­ти­жесінде әлемдік дағдарыс зар­даптарын еңсеріп, демократия­лық мемлекет қалыптастыру­да­ғы ерен қабілетін дәлелдей білді, – деді ол. – Ұлт жетекшісінің биік беделі мен дипломатиялық талантының арқасында әлемнің барынша дамыған 56 мем­ле­кеті­нің басын қосып отырған ірі ха­лықаралық ұйым – ЕҚЫҰ-ға төрағалық табысты аяқталып, Астана саммитінде арнайы Декларация қабылданды. Жетекші партияның белсенді қа­тысуымен Елбасы өкілеттігін ұзар­ту жөніндегі референдум өткізу акция­сы қызу өріс алды. Ақмолалықтар бүкіл қазақстандықтар сияқты  бас­та­маны қолдап, Орталық сайлау ко­миссиясына 310 мыңнан астам қол жиналғандығы туралы дерек берді. Бұл шара жалғасын табуда. Халық­тық мүддені ұлықтайтын бастаманы «Нұр Отан» партиясы өзінің басты мақсаты санайтыны мәлім. Облыстық партия ұйымы өңір­дің экономикалық-әлеуметтік да­муы­­на елулі үлес қосып отыр. Баяндамашы өткен жылы өнер­кәсіп кәсіпорындары  дағдарысты толық тоқтатып, тұрақты жұмыс істегенін осымен байланыстыр­ды. Инду­с­трия­лық-инновациялық үдемелі даму бағдарламасы шең­берінде 15 жоба жүзеге асырылса, тағы да 6 жоба табысты жалғасын табуда. Соңғы жылдары ауылдар мен қалалар­дағы әлеуметтік ин­фра­құрылым­дар қарқынды да­мы­ды. Жұртшы­лық, әсіресе, шал­ғай ауылдардағы қоғамдық монша, шаштараз, тігін ше­­берхана­лары­ның, мәдениет ошақ­тарының, мек­тептер мен балалар бақшасының көптеп ашыл­ған­дығына ризашы­лық білдіруде. Жарыссөзге қатысқан пар­тия­ның Аршалы аудандық фи­лиалы­ның төрағасы, аудан әкімі Ермек Маржықбаев, облыстық филиал сая­си кеңесінің мүшесі, егіндікөл­дік кәсіпкер Мақсат Серікбаев, Бурабай ауданы «Жас Отан» жастар қанаты­ның жетекшісі Яков Стерлигов, А.Мыр­захметов атын­дағы университет ректорының кеңесшісі Ғалым Бекмағамбетов және Целиноград аудандық ардагерлер кеңесінің төр­ағасы Аманкелді Әшіров күн тәр­тібіндегі мәселелер бойынша жұрт­шы­лыққа ой салар пікірлерімен, нақты ұсыныстарымен бөлісті. «Нұр Отан» ХДП Төрағасы­ның бірінші орынбасары Нұрлан Нығматулин конференцияда об­лыстық филиалдың жалпы жұ­мы­сына оң бағасын берді. Конференцияда «Нұр Отан» ХДП Ақмола облыстық филиа­лы­ның төрағалығына облыс әкі­мі С.А.Дьяченко қайта сайланды. Бақберген  АМАЛБЕК, Ақмола облысы.

Партия сапында мемлекеттік қызметкер неге аз?

«Нұр Отан» ХДП Ақтөбе облыстық филиалының ХІІ есеп беру-сайлау конференциясы өтті. Онда филиал саяси кеңесінің есептік кезеңдегі жұмысы қорытындыланып, «Нұр Отан» ХДП 2020 жылға дейінгі бағдарламасы талқыланды. Жиында партия филиалының төрағасы, саяси кеңестің және бақылау-тексеру комиссиясының жаңа құрамы мен «Нұр Отанның» ХІІІ съезіне облыстық партия ұйымынан делегаттар сайланды. Конференцияға «Нұр Отан» ХДП жанындағы Жемқорлыққа қар­сы күрес ұйымдастыру ке­ңесі­­нің төрағасы, Сенат депу­таты Орал­бай Әбдікәрімов, «Нұр Отан» ХДП саяси кеңесі бюросының мүшесі, Мә­жіліс депутаты Нұртай Сә­билья­нов, облыс әкімі Елеусін Са­ғын­дықов, партия филиалының мү­ше­лері қатысты. «Нұр Отан­ның» об­лыстық филиалының төрағасы Бал­ғали Ордабаев өткен жылдың қо­рытындылары туралы баяндады. – «Нұр Отан» – халық сенімі­не ие болған еліміздегі ең үлкен саяси күш. Қазір құрамымызда 32 674 адам бар, есептік мерзімде партия мүшелігіне 7797 адам қабылдан­ды. Алайда, біздің мақсатымыз – партия құрамының санын ғана арт­тыру емес, сапасын да жақсар­ту. Жетістіктеріміз баршылық, кем­­ші­лік­теріміз де жоқ емес, сол кем­ші­ліктердің себебін анықтап, партия жұмысын оңалтуға бар күші­мізді салуға тиіспіз. Партия құра­мын арт­тыру бағытында мемлекеттік ме­ке­мелердің бөлімдері мен бас­қар­маларындағы партиялық ұйым­дар нашар жұмыс жасады деуге болады, олар өз жұмыс­та­ры­на енді-енді ғана белсенді кірісе баста­ғандай. Мемлекеттік қызмет­кер­лер қатарында да нұротандық­тар тым аз, мысалы, қазір 16 324 мемлекеттік қызметкер жұмыс жасап жатқан болса, соның бар болғаны 2697-сі ғана біздің пар­тия­мыз­дың мүшесі. Қатарымызда ша­ғын және орта кәсіпкерлер де аз. Міне, бас­тауыш ұйымдар мен филиал­дары­мыз­дың ең бірінші қолға ала­тын жұмыстары осылар, – деді Б.Ордабаев. Ол, сонымен қатар, партияның бастауыш ұйымдары АЗФ, темір жол басқармасы, Дөң кен байыту ком­бинаты, АЗХС, облыстық аурухана, қала емханалары және жоғары оқу орындарымен бұрынғы­дан да гөрі тығыз жұмыс жасауы қа­жеттігін тілге тиек етті. Партиялық-саяси оқу, саяси кеңес отырыстары, ашық қо­ғам­дық қабылдаулар мен партия фи­лиалының ақпараттық-на­сихаттық жұ­мыстары туралы әңгімеледі. Шешен «Жас Отан» жастар қа­на­т­ы­ның жұмысы туралы да сөз қозғады. Ал есеп беру-сайлау кон­фе­рен­циясында сөз алған жергілікті «Жас Отанның» атқарушы хатшысы Әсел Бөлекова ақтөбелік жасотандықтар­дың екі жыл қатарынан «Үздік филиал» атанғанын мақтанышпен жеткізді Бірақ, деді ол, кемшіліктер де бар. Сұрақ туындайды: жұмыс жос­пары, жүйелік кестесі және пар­тия фи­лиалына ұқсас күнде­лікті ұйым­дас­тыру­шылық жұмы­сы бар саяси жастар ұйымында штаттық бірлік болмаса, тиімді жұмыс қайдан келеді? Облыстық филиал жанынан бөлім немесе аудандардан штаттық бірлік құруды жөн санаймыз. Сонда ғана «Жас Отан» толық күшінде жұмыс жасай алады. Тағы бір мәсе­ле – кадрлар тұрақтамайтыны, бізде да­рынды жастар көп, бірақ түрлі себептермен біз оларды ұзақ уақыт ұстай алмаймыз, екіншіден, жас көшбасшының жұмысына ар­нал­­ған әдістемелік нұсқаулық жоқ, ал бұл мәселелер типтік іс-шара­лар­­дың өткізілуіне әкеліп соқтырады. Конференция барысында пар­тия филиалының бақылау-тексеру комиссиясының төрайымы Ұ.Маменова, филиал жанындағы пар­тия­лық бақылау комитетінің төр­ағасы Ғ.Нұрышев, Ақтөбе облы­сы әкімінің орынбасары Р.Кемалова, Ақтөбе көлік, коммуникация және жаңа технологиялар кол­леджі жастар ісі жөніндегі комитетінің төрағасы Б.Қаумешов сөз сөйледі. Конференцияны облыс әкімі Елеу­сін Сағындықов қорытын­дылады: – «Нұр Отан» партиясы – Елбасы Нұрсұлтан Назар­баев­тың сарабдал саясаты мен идея­сы маңына халықты топтас­тыра білген ұйымдастырушы орган, алып саяси күш. Ел­басын, оның бас­тамаларын қол­даймыз. Қазір­гі біздің жеткен же­тістіктері­міз­дің барлығында пар­тия­лық ұйым­ның зор үлесі бар деп то­лық сеніммен айта аламын. Бұл конференция өте мазмұнды бол­ды, – дей келе, Е.Сағын­дықов облыс экономика­сындағы жеткен жетістіктер ту­ра­лы біраз әңгімеледі. Конференция соңында партия филиалының төрағасы, саяси ке­ңес­тің және бақылау-тексеру ко­мис­сиясының жаңа құрамы мен «Нұр Отанның» ХІІІ съезіне об­лыс­тық партия ұйымынан делегаттар сайланды. Партия филиалының төрағасы болып Балғали Ордабаев қайта сайланды. «Сенімдеріңізді ақ­тауға тырысамын», –деді ол. Сатыбалды СӘУІРБАЙ, Мейрамгүл САТАЕВА, журналист.

Кемшіліксіз  кемелдену  жоқ

Өскеменде «Нұр Отан» халықтық-демократиялық партиясы Шы­ғыс Қазақстан облыстық филиалының есеп беру-сайлау кон­ферен­циясы өтті. Оның жұмысына «Нұр Отан» ХДП хатшысы Н.С­.Громов, Парламент Мәжілісінің депутаты Б.Тілеухан, Шығыс Қазақ­стан об­лы­сының әкімі жергілікті филиал төрағасы Бердібек Сапарбаев қатысты. Күн тәртібіндегі мәселелер бо­йынша Бердібек Мәшбекұлы баян­­дама жасады. Соңғы екі жыл­да ха­лықпен біте қайнасып кеткен «Нұр Отан» партиясы мүшелері­нің са­ны 7 мыңға артып, бұл күндері Кенді Алтайда олардың саны 66 532 адамға жетті деді баянда­ма­шы. Бір қарағанда, жаман көрсет­кіш емес сияқты. Бірақ, облыста 1,5 миллионға жуық адам тұраты­нын ескерсек, аздау көрінеді. Сон­дықтан бастауыш ұйымдар бұл бағытта өз жұмыстарын ширата түскендері жөн. Б.Сапарбаевтың баяндама­сын­­да кемшіліктер аз айтылған жоқ. Өз қатарларын сенімді кадрлармен толықтырып отыруда «әтте­ген-айлар» бар, жарғы тәртібін бұзушылық Абай, Бородулиха жә­не Көкпекті аудандарында орын алған. Сонымен бірге, Риддер, Зырян қалаларында да ат­қаратын іс бастан асады. Кейбір аудандардағы партия белсенділері білімдері мен біліктерін жетілдіру мәселесіне де салғырт қарайды. Де­мек, партия мүшелері қара­пайым адамдармен тығыз жұмыс жасап, олардың әлеуметтік мәсе­ле­лерін шешуге белсене аралас­қандары жөн. Бұдан кейін баяндамашы об­лыс­тың экономикалық жағдайы жайлы хабардар етті. Есепті кезең ішінде облыста бір триллионнан ас­там теңгенің өнімдері шы­ға­рыл­­ған. Тек өнеркәсіп бойынша 624 мил­лиард теңгенің, ал ауыл шаруа­шылығы бойынша 151 миллиард тең­генің өнімдері өндіріліпті. Өкі­ніш­ке қарай, азық-түлік бағасы­ның өсіп кетуіне кезінде тоқтау сала алмадық. Қазір жер-жердегі пар­тия бастауыш ұйымдарының бел­сен­ді­лері баға саясатын дұрыс­тауға белсене араласқандары керек. «Жол картасы» бойынша об­лыста соңғы екі жылда қыруар істер тындырыл­ды, деді Б.Сапарбаев. «Біздің облыстық бастамашы топ еліміздің Тұңғыш Президенті Н.Назарбаевтың өкілеттігін ұзар­ту жөнінде референдум өт­кізу бас­тамасын көтергені белгілі. Кен­ді Алтай жұртшылығы Ел­басының қамқорлығы мен кө­ме­гін үнемі көріп келеді. Өңір­дегі түсті ме­таллургияның алып­тары «Қаз­мы­рыш», «Өскемен титан-маг­ний ком­бинаты» және «Үлбі ме­таллур­гия комбинаты» АҚ-тары сияқты алыптардың «екінші тынысын» аш­қан Нұрсұлтан Әбіш­ұлы. Ендеше, Елбасын қол­дауға шақыра­мын», – деді филиал төрағасы. Баяндамашы мемлекеттік жастар саясатын жүзеге асыру бойынша «Нұр Отан» партиясы мүшелеріне нақты міндеттер жүктеді. Жарыссөзге шыққандар күн тәр­тібіндегі мәселелермен қатар, ел Президенті Н.Назарбаевтың өкі­­леттігін 2020 жылға дейін ұзар­­ту бойынша референдумды қолдау жөнінде пікірлерін білдірді. «Нұр Отан» ХДП хатшысы Н.Громов жиналғандар алдында сөз алып, алда тұрған міндеттерге тоқталды. Конференцияда пар­тияның облыстық филиалы­ның төрағасы болып Б.Сапарбаев бірауыздан қайта сайланды. Партия съезіне делегаттар сайланды. Оңдасын ЕЛУБАЙ, Өскемен.