Үкімет пен Есеп комитетінің есептері талқыланады

Парламент Сенатының бюросы палатаның 16 маусымда болатын отырысының күн тәртібін келісті, деп хабарлады Парламент Сенатының баспасөз қызметі. Сенаторлар «2015 жылғы респуб­ликалық бюджеттің атқа­рылуы туралы Үкімет пен Есеп коми­тетінің есептерін талқылай­ды, сондай-ақ, «Қазақстан Рес­пуб­ликасының Үкіметі мен Сауд Арабиясы Корольдігінің Үкіметі арасындағы Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы конвенцияны және оған Хаттаманы ратификациялау туралы» заң жобасын қарайды.