СҚО-да 188 жоба мақұлданды

8bbfc3696c6f426d8a50fa2b40a4f83f_resize_w_520_h_

«Даму» қоры» АҚ Солтүстік Қазақстан аймақтық филиалының ұйымдастыруымен «Бизнестің жол картасы 2020» және Өңдеу өнеркәсібі саласындағы шағын және орта кәсіп субьектілерін несиелеу бағдарламасына қатысушы кәсіпорындарға пресс-тур өтті, деп хабарлайды Baq.kz.

Солтүстік Қазақстан облысында жыл басынан бері «Бизнестің жол картасы 2020» бағдарламасы аясында мемлекеттік субсидия алу бойынша жалпы сомасы 13 миллиард теңгенің 188 жобасы мақұлданды.

Осы жылдың 10 айында кәсіпкерлерге 0,75 млрд. теңге мөлшерінде қайтарымсыз қаржы, яғни субсидия берілді. Облыс бойынша жыл басынан бері «Даму» қоры несиелік портфелі шамамен 1.9 миллард теңге болатын 39 кепілдеме берді. Ал, берілген кепіл қаржының көлемі 0,8 миллиард теңге. «Даму» қоры Кәсіпкерлерге қызмет көрсету орталығының кеңесшілері жыл басынан бері жаңа бастаған және бұрыннан жұмыс істеп келе жатқан кәсіпкерлерге «БЖК 2020» бағдарламасы, басқа да кәсіпкерлікті қолдаудың мемлекеттік инструменттері, қаржыландыру көздері, маркетинг, бизнесті жоспарлау мен заңгерлік және бухгалтерлік мәселелер бойынша 3 жарым мыңнан астам консультация өткізді. Пресс-турге жиналғандар «Бизнестің жол картасы 2020» бағдарламасының мемлекеттік субсидия, «Даму» қорының кепілдемесін алу және Ұлттық қордан 6% жылдық мөлшерлемемен Өңдеу өнеркәсібі саласындағы шағын және орта кәсіп субьектілерін несиелеу бағытына қатысушы компанияларды аралады.