Украинада Қазақстан туралы кітап шықты
<p style="text-align: justify;">Қазақстан Республикасы Тұңғыш Президенті күні қарсаңында, сондай-ақ Қазақстан Тәуелсіздігінің 25 жылдығын тойлау аясында Киевте Украинаның Ұлттық ғылым академиясында «Орталық Азиялық барыс» кітабының тұсаукесері өтті, деп жазады <a href="https://strategy2050.kz./news/40941/">strategy2050.kz.</a></p>
ҚР СІМ хабарлағандай, кітапты Қазақстан Республикасының Украинадағы Елшілігінің қолдауымен украиналық публицист, Қазақстан-Украина қатынастары мемлекетаралық институтының директоры Николай Степаненко әзірлеген. Автор өз еңбегінде тәуелсіз Қазақстанның қалыптасу кезеңдеріне, мемлекеттің даму стратегиясына баса назар аударған. Кітапта қазақстандық-украиналық ынтымақтастық болашағына ерекше көңіл бөлінген. Қазақстанның Украинадағы елшісі Самат Ордабаев өз сөзінде Қазақстан Республикасының Президенті Нұрсұлтан Назарбаевтың егемен Қазақстанның қалыптасуындағы рөлін атап өтті. Іс-шараға украиналық қоғамның белгілі өкілдері қатысты.