Астана процесінің алғашқы күні аяқталды

Астанада өтіп жатқан Сирия мәселесін реттеу жөніндегі келіссөздердің алғашқы күні аяқталды. «Бүгінгі келіссөз ойдағыдай өтті деп есептейміз. 2016 жылдың 29 желтоқсанында қол қойылған келісімге гарант болған үш елдің қатысумен, сондай-ақ БҰҰ хатшылығының өкілі Стаффан де Мистура мен Қазақстандағы АҚШ Елшісінің, САР делегациясы мен Сирия қарулы оппозициясы өкілдерінің қатысуымен өткен кездесу аса маңызды деп бағалаймын», – деді РФ делегациясының басшысы Лаврентьев. Оның айтуынша, Астанадағы Сирия мәселесі бойынша келіссөздің қорытынды мәлімдемесінің мәтіні келісіліп жатыр. Оны бейсенбі күні қатысушыларға таныстырып, нақты бекітеді.