Аймақтар
1 мин оқу 1,311
Қолөнерді қолдап отыр
Енді Атыраудағы мүмкіндігі шектеулі жандар бос уақыттарын тиімді өткізіп, түрлі ұлттық бұйымдар жасауды үйренеді. «Мүгедек әлемі» қоғамдық бірлестігі «Қолтаңба» атты қолөнер жобасын бастады.
– Қазірдің өзінде 17 қыз-келіншек жобаға қатысуға өтініш білдірді. Олар ою ойып, көрпе тігуді, кілем тоқуды меңгереді. Ер азаматтар ағаш пен темірден бұйым түрлерін жасайды. Бір жыл бойы оқытамыз. Кейін жеке кәсіптерін ашуға, жұмысқа орналасуға көмектесеміз. Жоба қатысушыларының жасына шектеу қойылмайды, – дейді қоғамдық бірлестік төрайымы Күлбаршын Нұржігітова.
«Мүгедек әлемі» үкіметтік емес ұйымының құрылғанына биыл 15 жыл. Осы уақыт ішінде ұйым мүшелері 35 жобаны жүзеге асырған.
Бақытгүл БАБАШ,
«Егемен Қазақстан»
АТЫРАУ
Бөлісу: