Джек Ма: Экономикалық жаһандануды реформалау керек

Давоста өтіп жатқан Дүниежүзілік экономикалық форумда Alibaba интернет алпауытының негізін қалаушы Джек Ма АҚШ-тың жаһандану үрдістерінде жіберген кей қателіктеріне тоқталды.

тоқталды.

"Американың халықаралық компаниялары жаһанданудан миллиондаған доллар табыс тапты. Бірақ бұл кіріс ел ішінде әділ түрде таратылмағандықтан, қарапайым америкалық азаматтардың наразылығын тудырып отыр", - деді Джек Ма.

“Өзге елдер америкалықтардың жұмысын тартып алып жатқан жоқ, Америка бюджеттегі ақшаны теңдей бөле алмай отыр", - деді.

Осы орайда Джек Ма АҚШ-қа жаһандану үрдістерін қайта қарап шығу керектігін айтты.

“Мен жаһанданудың игілігіне сенемін, бірақ оны аздап түзету керек", - деп түйіндеді өз сөзін Джек Ма.