Шығыс Қазақстанда спорт кешені ашылды

Риддер қаласында ел Тәуелсіздігі күнінде 200 орынды көпсалалы спорт кешені ашылды. Барлық жоғарғы талаптарға сай құралдармен жабдықталған кешен бір мезетте бірнеше спорт түрінен жаттығу жұмыстарын жүргізе алады.

Кешеннің ашылу салтанатына қатысқан ШҚО әкімінің орынбасары Қуат Тұмабаев Риддер қаласының тұрғындарын Тәуелсіздік күнімен құттықтап, тілегін білді. Құны 180 млн теңге құраған кешенде баскетбол, футбол, волейбол, жеңіл атлетика, күрес, дзюдо сынды спорт түрлерінен жаттығу жұмыстары жүргізіледі. Бұдан бөлек, мұнда көркем гимнастика мектебін ашу жоспарланып отыр. «Жастардың көркем гимнастикаға қызығушылығы артып келеді. Сол үшін аталған алдағы уақытта көркем гимнастика мектебін ашу жоспарымызда бар», – деді Риддер қалалық мәдениет, тілдерді дамыту, дене шынықтыру және спорт бөлімінің басшысы Алмас Нұрғалиев.