Токиода қарашада 54 жылдан кейін қар жауды

Токиода 54 жылда бірінші рет қарашада қар жауды, деп хабарлайды NHK телеарнасы. Синоптиктердің болжауынша, қардың қалыңдығы 2 сантиметрге дейін жетеді. Сонымен қатар аяқ астынан жауған қар Токиодағы көлік қозғалысына кедергі келтіруі мүмкін. "Жапония астанасының ортасында қар жергілікті уақытпен таңғы 6:15 кезінде жауа бастады. Сонымен қатар Йокогама, Кофу, Уцуномия, Маэбаси мен Мито қалаларында да қар жауды", - делінген хабарламада.