Таиландта су тасқыны болды

Таиландтың оңтүстігінде соңғы 6 күнде болған жаңбыр салдарынан су тасқыны болып, 11 адам көз жұмды, деп хабарлайды РИА Новости. Басылымның хабарлауынша, 2 мыңға жуық елді мекендер су астында қалған. Судың тереңдігі 50 сантиметрден 3 метрге дейін жетеді.

Ең көп қауіп төнген Накхон Ситхаммарат, Сонгкла, Сурат Тхани, Чумпхон, Краби, Транг, Пхаттхалунг, Ялла, Наративат және Паттани жерлерінен Таиланд үкіметі халықты эвакуациялап жатыр.