Ұлттық комиссияның отырысы өтті
Кеше Ақордада Қазақстан Республикасы Президенті Әкімшілігінің Басшысы Әділбек Жақсыбековтің төрағалығымен Қазақстан Республикасы Президентінің жанындағы Кадр саясаты жөніндегі ұлттық комиссияның отырысы болып өтті, деп хабарлады Президенттің баспасөз қызметі.
Отырыс барысында төртжылдық еңбек шарттарының мерзімдері 2017 жылғы маусым – тамыз айларында аяқталатын «А» корпусы қызметшілерінің мемлекеттік қызметті одан әрі өткеруі жөніндегі мемлекеттік органдардың ұсыныстары қаралды.
Мемлекеттік қызмет істері және сыбайлас жемқорлыққа қарсы іс-қимыл агенттігінің ұсынысы бойынша «А» корпусы қызметшілерінің қызметін жыл сайынғы бағалау қорытындылары бекітілді.
Ұлттық комиссия Мемлекет басшысының 2017 жылғы 5 сәуірдегі №456 Жарлығына сәйкес, лауазымдары «А» корпусынан «Б» корпусына ауыстырылған адамдардың «А» корпусының кадр резервіне қабылдау жөніндегі өтініштерін қарады.