Астана процесінің келесі раунды белгіленді
<p>Астана процесі аясындағы Сирия жө­нінде жоғары деңгейдегі жетінші халық­аралық кездесу ұрыс қимылдарын тоқ­тату режіміне кепілгер елдердің өзара келі­суімен 2017 жылы 30-31 қазанда өтеді. </p> <p> </p>
Келіссөздер барысында тұтқындарды, қамауда отырғандарды босату, қаза тапқандардың денелерін беру және із-түзсіз жоғалғандарды іздестіру бойынша жұмыс тобының ережесін бекіту жоспарлануда. Сондай-ақ тараптар халықаралық терроризммен күрес мәселелерін қарастыруға және Сирияда минадан тазарту жұмыстарын жүргізу туралы бірлескен мәлімдемені қабылдауға ниетті. Бұлардан бөлек өзекті деп табылған басқа да мәселелер талқылануы ықтимал.
Айта кетейік, Астанада қыркүйекте өткен келіссөздердің алтыншы раунды тараптардың Сирияда деэскалация аймақтарын құру туралы меморандум ережелерін іске асыру және Астана процесі аясында осыған дейін қабылданған басқа да шешімдердің орындалуы бойынша жұмысты жалғастыру ниеті расталған бірлескен мәлімдемені қабылдаумен аяқталған-ды. Сирияда құрылған деэскалация аймақтары аталған қақтығыстың көлемін едәуір төмендетіп Сириядағы гуманитарлық жағдайды жақсартуға мүмкіндік берді.
«Егемен-ақпарат»