Мәжіліс депутаты Қызылорда облысы бойынша ХҚКО-да болды
<p style="text-align:justify">Қызылорда облысына жұмыс сапарымен келген ҚР Мәжіліс депутаты Балайым Кесебаева «Азаматтарға арналған үкімет» мемлекеттік корпорациясы» коммерциялық емес акционерлік қоғамының филиалы – Қызылорда облысы бойынша «Халыққа қызмет көрсету орталығы» департаментінде болды.</p>
Депутат қазіргі уақытта көптеген қызметтерді алу үшін қажетті құжаттар тізбесі барынша азайтылғанын айтты.
- Облыстарға жұмыс сапарым барысында міндетті түрде ХҚКО-тарына барып, халықпен жүздесуді жөн көремін. Өйткені, дәл осы жерде Елбасының Жолдауындағы басым бағыттарының бірі - «Цифрлы Қазақстан» бағдарламасының жүзеге асырылуы байқалады, – дейді ол.
Халық қалаулысы сондай-ақ, «Нұр Отан» бастауыш партиясының қызметімен танысып, қызметкерлерімен мемлекеттік қызмет көрсету және саланың басқа да күрмеулі мәселелері бойынша пікір алмасты.
Бақтияр ТАЙЖАН,
«Егемен Қазақстан»
Қызылорда облысы