Мәулен Әшімбаев Астанадағы бірқатар әлеуметтік нысандарды аралады

«Нұр Отан» партиясы Елбасы, партия Төрағасының тапсырмасымен мүмкіндігі шектеулі жандарға үнемі жан-жақты қолдау көрсетіп келеді. Осы бағытта арнайы «Ке­дер­гісіз келешек» партиялық жобасы да жұмыс істейді.

Елордадағы әлеуметтік ны­сан­дардың жұмысымен таныс­қан «Нұр Отан» партиясы Төраға­сы­ның бірінші орынбасары алдымен «Нұрлы жүрек» әлеуметтік қыз­мет көрсету орталығына бар­ды. Бүгінде мұнда 3-18 жас ара­лы­­ғындағы 260 бала мен жасөс­пі­рім әлеуметтік бейімделу және оңалту бағытында ем-дом қа­был­­дауда. Орталықта балалармен білікті мамандар жұмыс іс­тей­ді. Мекеме басшысы Серік Бөпе­жановтың айтуынша, мұнда қа­жетті медициналық терапия мен кор­рекция қызметтері жоғары дең­гей­де көрсетіледі. Сондай-ақ бұл жерде түрлі тақырыпқа ар­нал­­­ған үйірмелердің жұмысы да жү­йелі жолға қойылған. «Ор­та­лық тәрбиеленушілері қала­дағы театр, көрме, концерттер сияқ­ты мәдени іс-шараларға жиі ба­рып тұрады», дейді С.Бөпежанов.

Сонымен қатар Мәулен Әшім­баев бастаған нұротандықтар «Қа­сиетті жол» оңалту орталы­ғын­да болды. Бұл жерде 2-15 жас ара­лығындағы мүгедек балалар мен жасөспірімдердің тегін оңал­ту курсынан өтуіне барлық жағ­дай жасалған. «Қасиетті жол» қо­ғамдық қайырымдылық қоры­ның президенті Гүлмира Әбілдинова­ның сөзіне қарағанда, әзірге еліміз бойынша осындай үш оңалту ор­талығы бар екен. Оның екеуі – Ас­танада, біреуі Шымкент қала­сында орналасқан.

– Ендігі біздің мақсатымыз – елі­міздің әр өңірінде осындай ор­талықтар ашып, балаларға кө­мек қолын созу. Бұл мәселеде бар­лы­ғын мемлекеттің мойнына ар­т­ып қоймай, белсенді азаматтар өз­дері де бас болып, іске кірісу ке­рек деп есептеймін. Біз осы мақ­­сатта «Қазақстан жақсылық жа­сай­ды» атты арнайы бастаманы қолға алдық. Сол арқылы кез келген қазақстандық жылына бір рет 365 теңгесін қайырымдылыққа жұмсай алады. Яғни күніне бар болғаны бір теңгеден осы бағыт­та қайырымдылыққа жұмсап отыр­са, осындай 40 оңалту орта­лы­ғын ашуға мүмкіндік туар еді, – деген Г.Әбілдинова барша қазақ­стандықтарды аталған бастамаға белсене атсалысуға шақырды. Ол үшін арнайы «Қазақстан жақсы­лық жасайды» атты мобильді қосым­ша да іске қосылған. Яғни акцияға қат­ысқысы келген азаматтар сол жерден барлық қажетті мәлі­меттерді ала алады.

Әлеуметтік нысандардың еңбек ұжымымен және ондағы тәр­биеленушілердің ата-аналарымен кездескен партия Төрағасының бірінші орынбасары партия қыз­метін жаңғырту аясында «Ке­дергісіз келешек» жобасының жұ­мысы да одан әрі жанданып, әдіс-тәсілдері жетіле түсетінін айтты.

– Ерекше қажеттілігі бар мүм­кіндігі шектеулі жандарға қолдау көрсетіп, қол ұшын созу – пар­тиямыздың басым бағыт­тарының бірі. Осыған орай «Кедергісіз келешек» партиялық жобасын жандандырып, форматын өзгертіп, бұл бағытта бірнеше нақты жұмыс­тарды қолға алдық. Осы санат­тағы азаматтарымыздың негізгі мәселелерін сараптап, партия тарапынан оларға жан-жақты қолдау көрсету үшін негізгі үш бағыт бойынша жұмыс жүргізу керектігін анықтадық. Олар: инклюзивті білім беру, мүмкіндігі шектеулі жан­дарды жұмыспен қамтуға жағ­дай жасау және қоғамдық орын­дарда «кедергісіз орта» қалып­тастыру, – деді Мәулен Әшімбаев.

Сондай-ақ ол осы саладағы бір­қатар мәселелерге де назар аударды. Оның сөзіне қарағанда, қа­зір­гі таңда елімізде мүмкіндігі шек­теулі жандардың 30 пайызы ғана жұмыс істеп, ақша табу мүм­кіндігіне ие. Сондықтан М.Әшім­баев бұл өзекті мәселені шешу үшін жұмыс берушілермен бір­ле­сіп, жүйелі жұмыс істеу керек­тігін айтты. Бұдан басқа, мүм­кін­дігі шектеулі жандарға арнал­ған инфрақұрылымның қолжетім­сіз­дігі де өзекті мәселелердің қа­та­рында. Мәселен, бүгінде 31 мың­­нан астам паспортталған инф­­ра­­құрылым нысандарының 3 мыңға жуығы мүмкіндігі шектеулі жан­дар үшін қолжетімсіз. Одан бө­лек, елімізде инклюзивті білім беру ісі де лайықты деңгейде дамы­май отыр. Әзірге отандық мектеп­тер­дің тек 30 пайызында ғана мүм­кіндігі шектеулі балаларды оқытуға қажетті жағдай жасалған.

– Партия Төрағасының тапсырмасы бойынша біз алдағы уақытта бұл мәселелерді басты назарымызда ұстайтын боламыз. Келешекте осы үш бағыт бойынша жүйелі жұ­мыс істейміз. Жаңғыртылған жоба­ның басты мақсаты – мүмкіндігі шектеулі жандардың өмір сапасын жақсартып, оларға партия тарапынан нақты көмек көрсету, – деді Мәулен Әшімбаев.

Осы ретте бүгінде елімізде кей­­бір үкіметтік емес ұйым­дар­дың өз күш­терімен ауқымды жұ­мыстар атқарып отырғанын да атап өткен жөн. Осыған орай келешекте партия сондай ұйым­­дардың бастамасына жан-жақ­ты қолдау көрсетіп, олармен бір­лесіп жұмыс істейтін болады.

Жолдыбай БАЗАР,

«Егемен Қазақстан»