Құттықтау жеделхатын жолдады

Мемлекет басшысы Нұрсұлтан Назарбаев Ресей Федерациясының Президенті Дмитрий Мед­ведевке «Единая Россия» партиясының Ресей Федерациясының Мемлекеттік Дума­сы­на сайлаудағы сенімді жеңісіне байланысты құт­тықтау жеделхатын жолдады, деп хабар­ла­ды Қазақстан Республикасы Президентінің баспасөз қызметі. «Болып өткен сайлау елде жүргізіліп отырған әлеуметтік, экономикалық, саяси жаңғырту бағы­тын кең көлемдегі қоғамдық қолдауды көрсетті. Сайлаудың қорытындылары біздің елдеріміз ара­сын­дағы тату көршілестік дәстүрі мен өзара тиімді серіктестік қарым-қатынастарды нығайтуға мүм­кін­дік туғызады деп сенемін. Сізге елді одан әрі жаң­ғырту жөнінде белгіленген міндеттерді іске асыруда үлкен табыстар тілеймін», делінген жеделхатта.

*  *  *

Мемлекет басшысы Нұрсұлтан Назарбаев Ресей Федерациясының Премьер-министрі Вла­димир Путинге «Единая Россия» партия­сы­ның Ресей Федерациясының Мемлекеттік Думасына сайлаудағы сенімді жеңісіне бай­ланысты құттықтау жеделхатын жолдады, деп хабарлады Қазақстан Республикасы Прези­дентінің баспасөз қызметі. «Сайлау «Единая Россияның» елдің қоғамдық-саяси өміріндегі жетекші рөлінің жарқын дәлеліне айналды. «Единая Россия» партиясы Ресей Федера­циясының белгіленген әлеуметтік-экономикалық реформалар жолы бойынша одан әрі қарқынды алға жылжуын қамтамасыз ете алады деп сенемін. Біз Қазақстан-Ресей ынтымақтастығын дамытудағы, біз­дің халықтарымыз арасындағы достықты нығай­тудағы Сіздің жеке үлесіңізді жоғары бағалаймыз», делінген жеделхатта. Нұрсұлтан Назарбаев Владимир Путинге зор денсаулық, жан сергектігін, мемлекеттік және қоғамдық қызметінде одан әрі табыстар тілеген.