Қазақстанның көз тоймас көрікті табиғаты
<p>Қазақстанда табиғат шебер­лікпен үйлестіріп, жомарттықпен бере салған таңғажайып көрікті орындар аз емес. Соның біре­гейі – «Алтын Емел» ұлттық паркі.</p>
Ол Жетісу Алатауының оңтүстік сілемдерінің арасында, Алматы облысының Кербұлақ және Панфилов аудандарына орналасқан. Шатқалдардан ежелгі адамдардың тасқа қашап салған суреттерін көруге болады.
«Алтын Емел» атауы моңғол тілінде «Алтын ер» дегенді білдіреді. Аңыз бойынша, 1219 жылы Шыңғысханның әскері Орталық Азияны жаулап алуға аттанып, осы алқапты кесіп өтіп бара жатқанда, күн батып бара жатқан шақта сарғайған шөп жамылған тауларды көріп, ұлы қолбасшы «Алтын ер!» деген екен. Алтын Емел асуы шын мәнінде, сырттай қарағанда, ер-тоқымға ұқсайды.
Алтын Емелдің тағы бір көркі – Іле өзенінің түбінен жел ұшырып келген құмнан түзілген әнші шағылдар. Құм төбелердің дыбыс шығаруының себебі – құм түйірлерінің бір-біріне үйкелгенде ғажайып бір әннің әуені естілгендей болады.