Алғашқы титулды айқасын өткізеді

<p style="text-align: justify;">Қазақстандық кәсіпқой боксшы Мейірім Нұрсұлтанов (8-0, 7 КО) өзінің кәсіби шаршы алаңдағы кезекті жекпе-жегін 13 қазан күні АҚШ-тың Лас-Вегас қаласында өткізеді.  </p>

Әйгілі америкалық BoxRec сайтының мәліметі бойынша 25 жастағы отандасымыздың қарсыласы жергілікті боксшы Джамар Фриман (15-6-2, 8 КО) болмақ. Екі боксшының арасындағы жекпе-жек сегіз раундқа жоспарланып, орта салмақтағы NABF Junior белдігі сарапқа салынады. Бұл Нұрсұлтановтың карьерасындағы алғашқы титулды айқас.

Мейірім соңғы кездесуін 4 тамыз күні өткізіп, доминикалық Джонатан Батиста кездесудің екінші раундынан кейін жекпе-жекті жалғастырудан бас тартқан-ды.

Дайындаған Әли БИТӨРЕ,

«Егемен Қазақстан»