Жолдау жете түсіндірілуде

Батыс Қазақстан облысына жұмыс сапарымен келген Сенат депутаттары Бірғаным Әйтімова, Ерболат Мұқаев және Нариман Төреғалиев Теректі ауданына барды. Депутаттар «Жайық-Шал­қар» арнасындағы қалқымалы су стансасының жұмысымен танысты. 
Сенаторлар Ақжайық ауы­лын­­дағы бірқатар әлеуметтік ны­сан­дарды аралады. Кездесулер барысында Сенат депутаттары Жолдауда көр­сетілген басым міндеттердің әр­қай­сысына жеке-жеке тоқ­талды.

* * *

Мәжіліс депутаттары, «Нұр Отан» партиясы фракциясының мүшелері Сәкен Өтебаев пен Бақытгүл Хаменова Ақтөбе көлік, коммуникация және жа­ңа технологиялар колледжі пе­да­гогикалық ұжымымен кез­десті. Басқосуда Мемлекет бас­шысының Қазақстан халына Жол­дауына орай ең төменгі жала­қының өсімі және педагогтар мәртебесін өсіру жөнінде мә­се­лелер қозғалды.

Сондай-ақ депутаттар Құ­ралай Қаракен, Сәкен Өтебаев, Ба­­қыт­гүл Хаменова және Ген­на­дий Шиповских Қобда ауда­нындағы Жи­ренқопа ауылының тұрғын­дарымен де кездесті. 

* * *

Сенат депутаты Серік Жақ­сы­беков елордалық кәсіпкер­лер­мен кездесу өткізіп, Елбасы Жолдауының басты бағыттарын жан-жақты түсіндірді. Сон­дай-ақ депутат Жолдауда қо­йыл­ған міндеттерді орындау бары­сындағы кәсіпкерлердің рөліне де тоқталды. 

Жүздесуде қалалық басқарма басшыларымен бірге бизнестің әлеуметтік жауапкершілігі, әлеу­меттік әріптестік институ­тын дамыту және жұмыс беру­шілердің «Электронды еңбек бир­жасы» мемлекеттік интернет-ресурсын пайдалануы мәсе­ле­лері қызу талқыланды. 

* * *

Парламент Мәжілісінің бір топ депутаты Батыс Қазақстан об­лысына жасаған жұмыс сапа­ры барысында үш ауысымда оқи­­­тын №47 жалпы білім бе­ре­­тін мек­теп жұмысымен таныс­ты.

«Нұр Отан» партиясы фракциясының мүшелері Айзада Құрманова, Айгүл Нұркина, Жәмила Нұрманбетова, Свет­лана Бычкова және «Ақжол» партиясы фракциясынан Кеңес Абсатиров жұмыс сапары барысында Елбасы Жолдауынан туындайтын мәселелерді талқылау үшін Орал қаласының Зачаганск ауданындағы №47 мектепті арнайы аралап көрді. 

* * *

Сенаторлар Аңсар Мұса­ханов пен Нұрлан Қылышбаев Алматы облысының Ескелді, Жамбыл, Қарасай және Сарқан аудандарында сапармен болды. Сапар барысында сенатор­лар бірқатар өнеркәсіп және ауыл­шаруашылық кәсіп­орын­дары мен әлеуметтік нысан­дар­дың ұжымдарымен кездесу өткізді. 

Кездесулер барысында сенаторлар Елбасының халыққа арнаған Жолдауын түсіндіріп, Парламенттің заң шы­ғару қыз­метінің нәтижелері туралы ақ­парат берді. 

Сондай-ақ депутаттар қаты­су­шылардың Жолдауға қатысты қойған сауалдарына жауап берді. 

* * *

Атырау облысына арнайы жұмыс сапарымен келген Парламент Мәжілісінің депутаттары Бей­біт Мамыраев, Бекболат Тілеу­хан, Нұрлан Әбдіров, Мейрам Пішембаев, Тұрғын Сызды­қов Исатай ауданы тұрғын­дары­мен кездесті. Халық қалау­лы­лары ел үшін маңызды құжат­та айтылған міндеттерге тоқта­лып, тұрғындардың ұсы­ныс-пікірлерін тыңдады. Сауал­дарына жауап берді. 

Зейнеткер Ғаділжан Сағы­наев ұстаздар мәртебесі туралы заң жобасы қаралғанда білім деңгейін көтерумен қатар тәрбие мәселесін күшейтуге де назар аударуға ұсыныс берді. 

* * *

Сенат депутаттары Төлеубек Мұқашев пен Динар Нөкетаева Ал­маты қаласына жұмыс бабын­дағы сапар аясында осындағы көпір құрылысы зауытының тынысымен танысты. 
Зауыт бас­шылығы Қазақ­стан­ның үздік өндірушілері өндірген цемент, шағыл және басқа да барлық материалдар пайдаланылатынын жеткізді. Ал депутаттар жиналғандарға Елбасы Жолдауының негізгі ережелері туралы айтып берді. 

* * *

Парламент Сенатының депутаты Жеңіс Нұрғалиев Қостанай облысының Қарасу ауданында жұмыс сапарында болып, Мем­лекет басшысының Жол­дауын жұртшылыққа түсінді­руге орай бірқатар кездесу өткізді. 

Сенатор аудан активімен, ауыл шаруашылығы және әлеу­меттік саланың мамандарымен, жұртшылық өкілдерімен кез­десті. Жүздесулерде аграрлық секторды мемлекеттік қолдау, халықтың әлеуметтік жағдайын жақсарту, білім беру мен ден­сау­лық сақтау салаларында еңбек ететін қызметкерлер мен жұмысшылардың мүдделерін қорғау мәселелеріне назар 
аударылды. 

Ақпараттар «Егемен Қазақстанның» өңірлердегі тілшілерінен алынды