Қоғам балалар қауіпсіздігіне алаңдаулы

«Мемлекет басшысы ба­ланың тұлға ретінде қалып­тасуында мектепке дейінгі кезеңнің маңыздылығын атап өтіп, балалардың дамуына, балаларға арналған мекемелерде олардың қауіпсіздігі мен мазмұнды тәрбиелеуін қам­тамасыз етуге ерекше назарын аударды. Президент бір жыл бұрын Парламент палаталарының бірлескен отырысы кезінде әлеуметтік саладағы мемлекет-жекемен­­шік әріптестігі шеңберінде мектепке дейінгі мекемелер желісін кеңейтуге шақырды.

Аталған саладағы шағын және орта бизнесті дамыту­ үшін жасалған тиімді жағдай­лар жеке балабақшалар санын көбейтуге және мектепке де­йінгі жастағы балаларды­ 2,5 есе көбірек орынмен қам­та­­­­масыз етуге мүмкіндік бер­­­­ді. Бүгінде 3-6 жастағы ба­ла­лардың 95%-ы мектепке дейінгі тәрбиелеу және оқу­мен қамтылған.

Сонымен қатар бірінші кезекте, жеке балабақшалардың қызметін талдау нәтижелері Мемлекет басшысының ба­­­­ла­­бақшаларға қатысты алаң­­­­­­даушылығын растайды.­ Атал­ған мәнмәтінде мек­теп­ке дейінгі мекемелер­ пер­соналының олардың тәр­биеленушілеріне қатысты қа­тыгез қарым-қатынасы жиі­леп кеткенін атап өту қа­жет.­ Мұны бұқаралық ақ­па­рат құралдарындағы және әлеуметтік желілердегі бейне­жазба­мен расталған жарияланымдар, сондай-ақ Омбуд­с­­мен мекемесінің атына ке­ліп түсетін азаматтардың шағым­дары куәландырады.

Астана қаласындағы «Асыл»­­ ба­лабақшасында, Ал­­­­­ма­ты қаласындағы «Сим­­ба» балабақшасында, Пав­лодар облысының Ақсу қа­лалық балабақшасында, сондай-ақ басқа да мектеп­ке дейінгі мекемелерде орын­ алған бір­қа­тар оқи­ға­лар кең ауқымда қоғамдық резо­нансқа ие болды. Те­мір­тау қаласындағы бала­бақшада орын алған зорлық-зомбылыққа қатысты оқи­ға­ның бейнежазбасы­ отан­дық БАҚ-та ғана емес, Ресейдің орталық телеарнасының эфи­рінде де талқыланды.

Жоғарыда көрсетілген фак­­тілерінің кең ауқымды гео­гра­фиялық және мезгілдік маз­мұны балаларға арналған меке­мелердің қызметіндегі жү­йе­лі проблемалардың бар­­ екенін және оларды­ ше­­шу бойынша тиімді ша­ра­­лардың жоқтығын ай­қы­н­дайды. Аталған мән­мәтінде көп жағдайда балабақ­ша­лардың әкімшілігі еш жа­уап­­кершілікке тартылмай­ты­ны және өз қызметін бұ­рын­ғы ре­­жім­де жалғастыра беретіні назар аудартады. Ақмола об­лы­сында балабақша тәрбие­шісінің туберкулезбен ауы­ра­тынының анықталуы жо­ға­рыда көрсетілгенді растай­ды. Денсаулық сақтау минис­­тр­­лігі Бас санитарлық дә­рі­ге­рінің аталған факті бо­йынша бұқаралық ақпарат құ­ралдарында келтірген дә­йек­­­тері проблеманың ма­ңыз­дылығын толық ашып көр­сетпеген. Президенттің Жол­дауында балабақшалар қыз­­меткерлеріне қатысты бі­лік­тілік талаптарын қайта қа­рау туралы айтылған тапсыр­­­­­масы өте маңызды және  дер кезінде көтеріліп отыр», делін­ген Омбудсмен үн­де­уінде. 

Жоғарыда айтылған мәсе­ле­лерге байланысты Омбуд­с­­мен бейінді ведомствоға тиіс­ті «жол картасын» әзірлеу ке­зінде мектепке дейінгі білім беру саласындағы қызмет­ті ли­цензиялауды алып тас­тау ісін жан-жақты талдау­ды ұсынған. Өйткені, бұ­ған дейін лицензиялауды­ жойған нормативтік-құ­қық­­­­­тық актілерді қабыл­дау­ кә­сіп­керлікті ынта­лан­­дыр­ға­нымен, балабақ­ша­лар­да­ғы қалыптасып отырған жағ­дайларды күрделендіріп отыр. 
Сондай-ақ мектепке де­йінгі мекемелер қызметінің ашықтығын қамтамасыз ету мақсатында азаматтық қоғам өкілдерінің тұрақты мониторинг жүргізуін жақсарту туралы ұсыным берілді.

Дайындаған Жолдыбай БАЗАР,

«Егемен Қазақстан»