Алтайда аяз 34 градусқа жетті

<p style="text-align: justify;">Алтайда аяз ақырып тұр. Алтай болғанда, Алтай ауданының (Зырян) нақ өзінде. </p>

Дүйсенбіде аяз 34 градусқа жетіп жығылыпты. Облыстық білім басқармасы кеше Алтайдан бөлек Риддер қаласында 24 градус аязға байланысты 1 ауысымдағы 1-4, Аягөз ауданында 31 градус аязға байланысты 1 ауысымдағы 1-9, Үржар ауданында 33 градус аязға байланысты 1-9 және Көкпекті ауданында 27 градус аязға байланысты 1 ауысымдағы 1-11 сынып аралығында сабақ болмайтынын хабарлады. Ал қатты аязға байланысты 12 қарашада облысымыздың Шемонаиха ауданы мен Риддер қаласында сабақ өткізілмеген болатын.

Азамат ҚАСЫМ,

«Егемен Қазақстан»

Шығыс Қазақстан облысы