Адами капиталдың маңызы зор
<p style="text-align: justify;">Астанада «Интеграциялық және жаңғырту процес­тері жағдайында адам капи­та­лын дамыту» атты халық­аралық ғылыми кон­­ферен­ция өтті. Еу­разиялық интеграция ин­сти­туты ұйымдастырған шараның мақсаты – же­тек­ші ғалымдар мен сарап­шылардың жаң­ғырту про­цес­тері жағдайында адам капиталының қа­лып­тасуы бағытындағы зерттеулерінің тә­жіри­бе­лерімен бөлісу.</p>
Халықаралық конференцияға орталық және жергілікті мемлекеттік органдардың, халықаралық және үкіметтік емес ұйымдардың өкілдері, отандық және шетелдік ғалымдар мен сарапшылар қатысты. Адам капиталының сапасы инновациялық-зияткерлік экономиканы дамытудың маңызды факторы және Қазақстанның әлеуметтік-экономикалық саясатының негізгі басымдығы болып табылады. Осы орайда, Қоғамдық даму министрлігі Азаматтық қоғам істері комитеті төрағасының орынбасары Бақытжан Нарымбетов, Білім және ғылым министрлігі жоғары және жоғары оқу орнынан кейінгі білім департаменті директорының орынбасары Бану Нарбекова адам капиталына қатысты баяндама оқып, аталған ведомстволардың өткен жылы ұйымдастырған шаралары мен жұмыстарына тоқталды. Педагогика ғылымдарының докторы Александр Тесленко «Кәмелетке толмағандарды зерттеу» орталығының жастар арасындағы құндылықтардың қайсысы маңызды екендігіне байланысты сауалнама жүргізгенін айтты. Оның айтуынша, жастардың басым көпшілігі білімді таңдаса, қалған бөлігі мансап пен отбасыны жоғары бағалайды.
Халықаралық конференцияға қатысушылар талқылау барысында ғылыми-талдау орталықтарының, қоғамдық институттардың, дипломаттар мен сарапшылардың ынтымақтастығы Еуразия кеңістігінде қол жеткізген сенім деңгейін жоғарылатады және қоғамдық дипломатияны дамытады және тереңдетеді деген қорытындыға келді. Жиын соңында қатысушылар қарар қабылдады. Ол бойынша халықаралық ғылыми конференция материалдары мен мақалаларының жинағын дайындап, басып шығару ісін жоспарлады.
Ақмарал АҒЗАМҚЫЗЫ,
«Егемен Қазақстан»