Туындылар ескі жылды түйіндеді
<p style="text-align:justify">Облыстық бейнелеу өнері мұражайында бас­­тал­­­­ған есептік көрмеде қа­р­а­­ғандылық қылқалам ше­бер­лерінің биылғы жылды та­быс­ты аяқтағалы отырғаны ай­тылды. Мәдени мекемеде ұйым­дастырылған көптеген іс-шара өнерсүйер қауымның көңілінен шығып, лайықты бағасын алды.</p>
Мысалы, биыл Роза Абусева, Мәдихан Қалмаханов, Сергей Чеченов, Владимир Троценко сынды өңірге танымал суретшілердің жеке көрмелерінің жоғары деңгейде өтуі де жоғарыдағы сөзімізге дәлел бола алады.
Ал жыл соңындағы көрмеде келушілер назарына 80-нен астам жұмыс ұсынылды. Экспозицияда бүгінгі суретшілерімізді толғандыратын әртүрлі тақырыптардағы және түрлі жанрлардағы туындылар бар. Сонымен қатар аталған көрменің танымал қылқалам шеберлері мен жас суретшілердің, оқытушылардың және олардың бұрынғы студенттерінің басын қосқанын айтқан ләзім.
– Бұл көрме маған тақырыптық еместігімен ұнайды. Мұнда нақты бір тақырып жоқ. Авторларды көбіне адамның өзі, оның ішкі жан дүниесі, рухани болмысы қызықтырады. Дәл осы күйді бізге Қуат Асқаров, Олег Дроздов, Галина Коломенская, Мәдихан Қалмаханов көрсете алды, – деп атап өтті өнертанушы Наталья Иванина.
Қорыта айтқанда, есептік көрмедегі бір жылды түйіндеген туындылар қарағандылық суретшілердің қазіргі қоғамда болып жатқан түрлі оқиғаларды, адамдарды не нәрселердің толғандыратынын, біздің түсінігіміздің рухани тұрғыда қаншалықты толыққандығын танып-білуге құштар екендігін көрсетті.
Қайрат ӘБІЛДА,
«Егемен Қазақстан»
ҚАРАҒАНДЫ