Қармақшыдағы зауыт қалдықсыз жұмыс істейді

<p style="text-align: justify;">Қызылорда облысы Қармақшы ауданындағы Дүр Оңғар ауылында ашылған зауыт қалдықсыз жағдайда жұмыс істейді.</p>

Тәулігіне 66 тонна күріш ақтайтын зауыт оның қалдығын да қажетке жаратып отыр. Енді күріш кебегі мал азығына, бордақылауға пайдаланылады. Бұл іспен «Жаңажол» шаруа қожалығы айналысып келеді.

- Бұрынғы күріш ақтайтын диірменнен айырмашылығы көп. Мұнда фотосеператор қызыл күріштен ажыратады. Айта кетерлігі, сағатына 5 тонна күріш шығаруға әбден болады. Өнімді еліміздің бірқатар өңірлеріне жіберіп жатырмыз. Келешекте экспортқа шығаруды жоспарлап отырмыз, - деді шаруа қожалығының бас агрономы Төлеу Ерғалиев.

Бақтияр ТАЙЖАН,

«Егемен Қазақстан»

Қызылорда облысы