Қыста велосипедпен Меккеге аттанды
<p style="text-align:justify">Қаңтар айынын басында велосипед мінген жігіт ағасы Алматы қала­сы­­нан Меккеге қарай қа­­жылық сапарға ниет қылып жолға шықты. Алдымен мінәжат етіп, Түркістанға барып қайт­қан болатын. Алма­тылық Тал­ғат Жұма­беков бұл са­па­рын­да Өзбекстан, Тү­рік­­менстан, Иран, Біріккен Араб Әмір­лік­тері арқылы Мек­кеге аттанған. </p>
Ол бұдан былай музыкалық продюсерлік жұмысын тоқтатып, алдағы уақытта кино түсірумен және саяхатпен айналыспақ.
– Қажылық сапар барысында көмек қолын созған адамдар көп, велосипедпен шығатын болғаннан кейін бе, естігендер ерекше қабылдады. Менің ұшақпен де баруға жағдайым бар, өзім жол қиындығын сезінейін деп түйдім. Жол бойы адамдардың ықыласын сезініп, адамдардың бір-біріне деген имандылық ишараттарын білдіретін ғажайып сезімді бастан өткерудің жөні бөлек қой. Жолға Құран кітабын алдым, азығым да, серігім де сол болатын сияқты. Сапарға шығар алдында Түркістанға барып мінәжат еттім, Шымкентке соғып, велоспорт белсенділерімен жүздестім, – дейді Талғат Жұмабеков.
Жиһанкез Құдай бұйыртып сапарынан сәтті оралса, жолда көрген, түйгендері туралы жақсылап тағы да бір әңгімелерміз. Ұзақ жолдың сәттілігін берсін. Екінің бірі тәуекел ете бермейтін мұндай жолсапарды шын мәнінде сәулелі сапар деп атауға әбден болатындай.
Сапарбай ПАРМАНҚҰЛ,
«Egemen Qazaqstan»
АЛМАТЫ