ШҚО-да аяз - 41 градусқа жетті · Соңғы жаңалықтар мен оқиғалар

<p style="text-align:justify">Алтайда аяз ақырып тұр. Облыстық Төтенше жағдайлар департаментінің таратқан мәліметтеріне сенсек, Бесқарағай ауданында аяз - 41, Алтай ауданында - 40, Көкпекті ауданында - 39 градусқа жетіп жығылыпты. </p>

Өскеменде таңертең термометр бағаны - 36 градусты көрсетсе, шеткері ықшам аудан тұрғындары - 40 градусқа дейін жеткенін айтады. Қатты аязға байланысты бүгін өңірдің бірнеше қала-аудандарындағы мектептер мен колледждерде сабақ тоқтатылды. Сонымен қатар таңғы сағат 9-дан бастап Өскемен-Риддер, Өскемен-Шемонаиха, Өскемен-Алтай-Рахман қайнары, Семей-Павлодар облысы шекарасы бағыттарына жүк, қоғамдық және жеңіл көліктермен жолға шығуға шектеу қойылды.

Азамат ҚАСЫМ,

«Egemen Qazaqstan»

Шығыс Қазақстан облысы