Криптовалюталар қымбаттайтын кезең
<p style="text-align: justify;">Жыл соңына дейін бит­­коин­нің бағамы біршама көте­ріледі. IBM блокчейн және ци­фр­лы валюталар жөніндегі вице-президенті Джесси Ланд осындай болжам жасады.</p>
– 2020 жылға дейін биткоиннің бағасы 5 000 АҚШ долларына көтерілуге тиіс. Одан кейін де қымбаттай береді, – дейді ол.
Reddit әлеуметтік желісінің негізін қалаушы Алексис Оганян да криптовалюталардың құны арта беретінін айтты. Yahoo Finance-ке берген сұхбатында ол:
– Криптовалюта нарығындағы біраз уақытқа созылған құлдыраудың пайдалы жағы да бар. Бұл индустрияның алыпсатарлардан тазарып, нағыз криптоэнтузиастарға орынның көбеюіне әсер етті. Даурығу басылып, криптовалюта инфрақұрылымына тиімді сапалы жобаларға жол ашылды. Биткоиннің да, сатошидің де қымбаттайтын уақыты келген сияқты, – дейді А.Оганян.
Қазіргі таңда 1 биткоин – 3 788,21 АҚШ долларына немесе 1 423 173 теңгеге тең екенін айта кетейік.
Арнұр АСҚАР,
«Egemen Qazaqstan»