Ирандық «Pouya Air» әуе компаниясы Ақтау – Горган бағыты бойынша ұшуды жоспарлап отыр
<p style="text-align: justify;">ИИДМ Азаматтық авиация комитеті Қазақстанның өңірлері мен көршілес елдердің қалалары арасындағы әуе қатынасы бойынша жолаушылар тасымалы қолжетімділігін қамтамасыз ету үшін белсенді жұмыс атқаруда. Атап айтқанда, тағайындалған ирандық «Pouya Air» әуе компаниясы ҚР ИИДМ Азаматтық авиация комитетіне Қазақстан Республикасында шетелдік тасымалдаушы аккредитациясынан өтуге өтініш берді.</p>
«Pouya Air» авиакомпаниясы 2019 жылдың көктемгі-жазғы навигация кезеңінен бастап алғаш рет Ақтау - Горган бағытында тікелей халықаралық рейстерді орындауды жоспарлап отыр. Рейстер жиілігі аптасына 2 рет Embraer-145 әуе кемесімен орындалмақ. Рейстерді ашу алдағы уақытта Қазақстан мен Иран арасындағы өзара сауда-экономикалық қарым-қатынасты дамытуға мүмкіндік береді. Сондай-ақ Ақтау қаласының әуежайына келіп кететін жолаушылар ағынын арттырады.